2000兒歌頒獎禮得獎名單
及網主短評
最受歡迎兒歌金獎：個個都有寶
銀獎：皇子的美學研究
銅獎：大食懶加菲
至NET 兒歌大獎：百變小櫻
最傑出兒歌大獎：今天的事今天做
最受歡迎兒歌男歌手：鄭伊健
(自動勝利Let's Fight )
最受歡迎兒歌女歌手：楊千嬅 (個個都有寶)
最受歡迎兒歌組合金獎：葉佩雯、容祖兒、
何嘉莉、陳奕迅 (真我本色)
銀獎：鄧健泓、蔡子健、 鍾麗淇 (踏上高峰)
銅獎：鄭欣宜、沈殿霞 (Thank You 媽咪)
最受歡迎兒歌新人金獎：
曾嘉莉 (百變小櫻)
銀獎：蓋世寶 (魔法小美穗)
銅獎：林肯 (BA BUS大蕃薯)
錫晒你兒歌歌手大獎：薛家燕 (歡迎新年到)
十強兒歌：
魔法小美穗、至NET小人類、個個都有寶、Thank You 媽咪、 親親嗲媽、
排排坐、自動勝利Let's Fight、 大食懶加菲、百變小櫻、皇子的美學研究
五強：魔法小美穗、至NET小人類、個個都有寶、百變小櫻、自動勝利Let's
Fight
三強：至NET小人類、個個都有寶、自動勝利Let's Fight
回到上面
網主短評
(大部份內容已在兒歌谷發表過，但有整理過；亦因為是來自新聞組的內容，所以非常口語化，請見諒
)
獎項設計方面：
其實今年D 獎呢，我覺得好亂， 一時又講到係選人，一時又講到選歌。
由投票開始， 睇至NET 的宣傳、睇TVB 周刊的投票表格、睇今晚現場司儀的講法，
對獎項的定義都會有出入， 到睇完，我都仲未知。
例如講楊千嬅欏女歌手，又講埋係因為(個個都有寶)， 但到薛家燕欏獎時，連首歌唔唱又唔提。
“最傑出兒歌大獎”呢，之前宣傳又唔多見，投票表格又無，邊個選出來又無講過，得獎的熊熊兒童合唱團又無得演唱。
總之就怪！
還有呢，最後的十強、五強、三強只係我順手列埋出黎， 我覺得無線都係是是旦旦....
有人話十強就等同於往年的十大，但更多人(包括我)覺得無線只是亂點。
尤其是五強和三強，當中係無已經欏左銀獎銅獎的《皇子的美學研究》和《大食懶加菲》，仲唔係自相矛盾？
得獎名單：
算唔算分豬肉？心照啦。其實，我都睇化晒，甚至可以話預左係分。
今次的問題係分得怪！流行歌星有，正常丫。
但今次熊熊都分到(熊熊一向都做自己野，唔理D 獎)， 連林肯都有(睇唔出有乜商業因素)， 反而古巨基(以佢的級數)咁無，唐韋琪(年年唱兒歌，又係至NET 主持)又無。
歌手表演：
歌手表現呢，有D 又唔唱LIVE ，唉，是旦， 反正我又唔係咁識聽。
反而想講呢，無線依舊唔重視創作人。 無線同司儀已經將D 功勞推晒去歌手度，
成日都話D 歌手點有貢獻，點付出。 頒獎時又唔講邊個作曲，填詞，呢D都預左。 咁做歌手的，都應該講下、多謝下D 幕後功臣啦。 尤其是 D 流行歌手，都無乜理由唔識D
咁基本的禮貌卦， 佢地欏流行曲都會講啦。全部得獎者中，只有蓋世寶、熊熊、攀山三人組和肥姐有講，唔通只唱兒歌的，反而更識得去專重創作人？
獎項以外：
唔關獎項的環節呢， 我覺得「上太空」最得意(不過唔知現場睇係點呢？)；
「 大出羊相」都幾得意，尤其是雪人變羊仔O個一下。
「POKEMON」 呢，無端端加乜鬼「小強」入去喎！而個故事同首歌唔配，無上年的《超人迪加》咁好。
「毛巾SHOW」 呢，不知所謂，純綷俾大人睇，而且內容好無聊，想嘔！
另外，譚玉瑛單傳聞可以講兩次，唉......
「小強」又玩兩次，唉唉.....
後話：有耐性睇到呢度的網友，可能會覺得搵笨，咁都叫「短」評。但其實，以上的內容，只係節錄了我部份的POST 中的內容，我在兒歌谷中，係逐個獎、 逐段評的，所以以上的，可以算為短評。而有興趣看看其他網友對頒獎禮的看法，可到兒歌谷。
兒歌谷以TVB
的候選兒歌設了 7 項投票已有結果，多謝大家支持！
網友可按此看看各投票中得到最高票數的兒歌名單，
網友曾經可到下列各個投票網頁看各歌曲的得票數目，但現在 freevote.com 已關閉。
老孩子兒歌網