舊遊戲(9) 答案(二)

題目：
熊熊兒童音樂公司第一首Plug 上無線的兒歌是那一首?

答案：

網主 (出題者) 不清楚答案，亦有網友問過熊熊公司的職員，他們憑記憶亦不能說出肯定的答案。當然大家沒有亦不能要求熊熊公司，特別為這遊戲翻尋十年前的資料。但兒歌谷台柱之一，兒歌迷兼超級熊熊迷Little Bear 就提供了一個肯定的答案：想飛

且看看網友Little Bear 的這一段話：

小弟聽熊熊兒歌，可以追溯番到１９９０年初小弟開始聽香港電台兒童節目o個陣。當時節目裡面有一個教普通話o既環節，會用一首歌o既歌詞教授普通話，而呢o的歌曲當中有好幾首係熊熊o既歌（即係由 Josie 姐姐獨唱又或者加小歌者合唱），其中小歌者把聲令小弟印象極為深刻。

後來睇當時o既兒歌金曲節目《兒歌．兒歌》，有一首新歌上台，就係《想飛》啦！一唱咋，小弟即刻認得出 Josie 姐姐等人o既聲音。而後來再有《問句星星亮也晶》，於是就將佢同《想飛》比較落去（當然係鍾意《想飛》啦，cute 得多），而之前電視上係從來都未播過佢地o既歌o既。

無幾耐，有一日行過唱片舖，就發現一盒有好多卡通圖畫做封面o既錄音帶，睇睇背面o既歌曲目錄，原來係有齊以上兩首歌曲同埋跟住 plugged 上台o既其他佢地兩個唱o既歌。

之後，小弟至知道呢o的係當時已經存在o既熊熊所出版o既錄音帶。

所以，小弟就好肯定第一首上電視o既熊熊兒歌就係《想飛》。

和題目有關的九九候選兒歌：賣懶 (熊熊兒童合唱團主唱)

歡迎網友在指正或提供有關資料。

老孩子兒歌網