頭六首無乜特別，因為近排或上年成日有得聽，所以反而無乜感覺。
跟住到《戲肉》喇：

先來《魔法咕嚕咕嚕》和《齊來動動筋》，久別重逢， 雖然成日聽RA，但可以在CD 聽到，覺得特別高興。《魔法咕嚕咕嚕》的電視版和CD版的編曲有少少不同 (真的很少，如果網友一聽CD 版就聽得出的話，咁都幾厲害)。順帶一提，CD係寫滕麗「名」(以前在兒歌谷討論過)。

跟著到四首張崇基張崇德主唱的兒歌：
一) 《龍珠94》乜乜版在K 店睇過個MTV，沒有了劇場版的配音對白， 編曲和電視版的分別不大。

二)《元氣爆發》亦是第一次是兒歌CD 出現，但我沒有看這套動畫， 推出那陣子我又不聽兒歌，聽時無乜感覺。 當然華星肯出呢首歌，我都好高興。 作曲的是張崇德，填詞的是張崇基，但CD 上呢兩個「崇」字變左「祟」字。 但主唱O個度又O岩返，怪。

三)《想你聽我唱》，其中兩隻舊兒歌CD都有收錄。

四)《齊來唱新歌》，終於都肯出CD了！正！ 又是張崇德作曲、張崇基填詞，今次無寫錯名了。 但印象中電視的MTV 版比CD 版長，真怪，平日只會CD 版較長嘛。
聽完呢四首歌，尤其是《齊來唱新歌》，有點懷念佢地添。

然後是《劍神傳說》，是《反斗劍神》的主題曲，正呀！ CD 版和電視版的編曲一樣(以我聽到的)， 只是比電視版重唱多一次歌詞。

跟住o個三首都以前成日聽，又有CD 出過，都無乜心機聽。

最後的超人的主題曲+屎撈人， 表演的LIVE版，在K 店睇過MTV ，所以都叫做聽過， 只係覺得幾得意，又唔覺特別好聽。

2011年補充：唱片中，《百變小櫻》的作曲人名字是柳重「賢」，但正字應該是「言」。在2010 年出版的《卡通王國》亦有收錄