雜誌介紹：至NET小人類兒童雙周刊
| 文章簡介： |
最近 (這一段在零一年一月十二日寫的) 新出了一本叫做《至NET小人類兒童雙周刊
》的兒童雜誌，究竟它有甚麼特別？和兒童節目《至NET 小人類》有甚麼關係？ 以下的文章是把那兩篇短文稍作整理後結集而成，但當中的口語部份卻沒有改回書面語，保留了新聞組文字的特色 (其實是懶得去改)。 (特此聲明：未曾去過新聞組的網友看後可能不適，網主絕不負責，哈) |
基本資料：
| 雜誌名稱： | 《至NET小人類兒童雙周刊 》 |
| 價錢： | HK$15 |
| 創刊號出版日期： | 01年1月5日 (5 / 1 - 18 / 5 / 2001) |
| 頁數： | 50頁 |
| 出版社： | 樂臻教育有限公司 |
我係睇電視廣告，知道出左呢本雜誌。我見係創刊，又叫至NET 小人類，又見封面有印住TVB的標誌，
雖然賣十五元
(雙周刊)，都買本黎睇下。
今期有FILE 送，有《微星小超人》或《福星大咀鳥》，
大家有偏好的話，可以「反轉」本野黎選 (個FILE
在封底後)。
我在7-11買的，見到有五本，當中有四本係小超人，一本係大咀鳥，
唔知係唔係因為大咀鳥播緊所以受歡迎呢？或者係巧合？
內容大部份和兒童周刊
/ 兒童快報一樣，
都有動畫消息、漫畫、教中英文、IQ 堆理題、漫畫、有獎遊戲等。
而特別之處有：
| 特別之處： | 意見 |
| (一) 在星座運程度，旁邊有D 藝人的相 (呢個好多雜誌都會)， 特別之處係當中的相有七張係至NET 主持， 另外有一張仲要係至NET 的小演員添！(李芷菁) | 呢個幾有心思！如果其餘四個星座旁可以用埋其他主持或小演員更好！ 如果沒有的話，亦可考慮用動畫的主角(很多人設都有出生日期的)，這樣會比用其他藝員好。 |
| (二) 有兩星期(雙週刊)的無線和明珠的兒童節目和動畫的時間表，
動畫的就唔係全部有，例如少女革命和熱鬥小馬。 | 我諗係如果動畫係PG
的話唔會登， |
| (三) 有至NET 小人類 / 兒歌金榜的有關參加表格， 即係以前在TVB 周刊或 千年蟲登O個D 表格， 好耐無睇呢兩本野，所以唔知係咪搬左黎呢本新雜誌到。 當然亦有兒歌金榜的投票表格，最舊的去到‘百變小櫻’， 最新就去到‘我是最強’。 | 兒歌金榜的投票依舊連表面功夫都唔做下，擺明造馬。希望下期會更新啦！ |
| (四) 有兒歌歌詞：雪人不見了。 | 《兒周》都有登兒歌歌詞，但可能《至NET》
係自己公司有份的關係， 會比《兒周》有更新的歌詞。 好似今次本野係一月五日出，而首歌就在同日首播。 印象中《兒周》就唔會咁 (或者有都等電視播左先至登) |
| (五) Net-100 介紹譚玉瑛，有成兩版咁多， 最正係有佢D 個人舊相，以及一幅四三零主持的合照， 有佢、黎芷珊、鄭伊健、陳家輝和嚴煥全，好珍貴！ |
如果可以搵到譚玉瑛一入四三零時同其他主持的合照，每換一批主持就又放一張，相信會更加珍貴！ (其實都唔多清楚呢個部份以後會講乜，又無講明係介紹主持的環節) |
對我黎講呢，個FILE 都值一元， 歌詞算佢一元啦，其餘的都去晒譚玉瑛o個兩版。
如果無左呢兩版，就真係DUP 心咯。
其實買之前，見佢以‘至NET
小人類’為名， 又有無線LOGO，
以為當中會有一D 有關‘至NET 小人類’、甚至‘兒歌金榜’的節目資料。
點知就只有D 參加表格同埋介紹譚玉瑛的兩頁(都可以話係同至NET小人類有關)。
不過如果介紹晒十二個主持， 都可以做成五六個月(雙周刊)，跟住又可以到一次介紹兩三個小演員....
其實例如至NET 有新環節啦，可以講下， 又或者預告下D
環節內容，預告有乜嘉賓等都可以。
記得以前(幾年前咯) TVB 周刊每期都有兩三頁係講每周閃電的內容。
兒歌金榜呢，或者講下每星期的新歌、嘉賓，甚至登埋每個星期的兒歌榜都得。
(完)